أيوه كده يا شباب يا جميل
أيوه كده يا شباب يا جميل
ياللي قاعد لنا في التحرير
ارفع صوتك علي كمان
واطلب حقك في التغيير
***
أيوه كده يا شباب متعلم
عبر عن رأيك واتكلم
لما الليل بجناحه يغيم
شد الفجر وصحي الطير
أيوه كده ياشباب ياجميل
***
دولة ظلمك ساعه وعدت
لما الشعب انتفض وهدد
حقي الضايع فينه ياسيد
ثورة وجاءت بالتطهير
أيوه كده ياشباب ياجميل
***
أيوه كده يا شباب محروس
ياللي ادتنا دروس في دروس
شد العزم ياللا ودوس
واوعى تصدق حقد أجير
أيوه كده ياشباب ياجميل
***
حقك ضايع طالب بيه
والمستقبل احلم بيه
واللي زرعته ف يوم تلاقيه
ورد محبة وجنة خير
أيوه كده ياشباب ياجميل
***
ليست هناك تعليقات:
إرسال تعليق