جدو حبيبي
بقلم : نادية
كيلانى
جدو حبيبي... حبيبتي يا جــدة
ياللـــي كلامكـــم كلـــه مـــودة
بس هديــة عيــدي
مفاجــــأة
حصان وعروسة وشنطة عده
لأ يا جدو إحنا بقينا في عصر النت وعصر
الشدة
جــدي بصوتــــه بيغنيلــــــــي
أغانــــي زمانــه بصبر وتؤده
وبيحكــي حكايـــة جميلــــــــة
وفــي الحدوتــه قطــة وبطــة
لأ يا جدو إحنا بقينا في عصر النت وأكل
الشطة
أصـــلا جـدو لطيف وظريـف
يجـري ورانـا بـدون تكليــف
وكمــان تيتــا بتفــرح بينــــا
وتعلمنــــا عـــادات الريـــف
لأ يا تيتا إحنا بقينا في عصر النت
والتخاريف
أنــا واخواتـي نحـب اجددنـا
لمـا نـزورهم يـوم الجمعــــة
نجــري عليهـــم يطلبـوا منــا
هـدوا اللعب وهـدوا السرعة
لأ يا اجدادنا إحنا بقينا في عصر النت
وعصر السرعة
انتــوا أصالـــة زمـن الحــب
واحنا في حاجـة ليكوا يارب
انت يا جــدي كنــز كبيـــــــر
ندعي المولــى تعيشـوا كتير
حتى إن كنا ياجدو بقينا في عصر النت
والتغيير
ليست هناك تعليقات:
إرسال تعليق